2012年6月3日

當Type I error遇上Type II error

經過一個瘋狂顛沛的週六:
  • 七時多起床,跟母親大人用過早餐,馬上趕到工廠區某代理商取回硬盤
  • 乘巴士到大西北的某處考筆試
  • 下午在家溫習,準備......
  • 黃昏時間有個網上進行的考試 (大家都壯烈犧牲咯)
  • 考試過後又趕到某體育會跟小學同學燒烤至凌晨

文字打得多,隨時都有題材在腦中,往往只差落手拍打鍵盤的一著。萬樣事情都打出來的話實在太冗長又沒有意義,何況現在早已不是本科的時代,時間是有限的。



今次要講的是首項的後半部,那個硬盤是去年盛夏時份購入的,就是待在租處中遊閒的時光。

硬盤一年也用不上便出問題,聞所未聞,而且東西的品牌也不是雜菜,一心以為最少也可以用上三年呢。

不幸之中帶點僥倖,硬件出事的時候剛好是要用上假期上課的日子,大課下午四時完結,可以馬上到工業區去...... 人家六時正就要關閘,平日下班後絕對趕不及拿去維修。

數天後代理來電,說用家可以來取回硬盤呢。喔,就是說東西沒有問題吧? 報案時那美女接待說有問題的話原廠要用四星期去修理嘛。



只有週六的上午才有機會去取貨,人家九時開閘,氣急的用家五十五分便在守候。


「來取回hard disk的。」

「請等陣。」


(接待的不是那美女呢...... 中年女仕十餘秒間從接待處後面拿出肉蔘交到用家手上)


「我哋師父同你check過,個hard disk冇問題,應該係cable error。」

「吓!? 條線都會有問題?? 未聽過。」

「即係連住舊嘢嗰條呀,叫咩S A T A呢。」

「咁入面d (資)料都係洗晒?」

「係呀。」

「冇事嘅話就唔使洗啦。」

「咁我哋防止佢有毒嘛。」 (......)

「我費事再花時間去搵地方買喇,你哋呢度有冇sata線買?」

「你等等,我幫你入去望望。」


(此時上文提及的美女提著暖水杯徐徐步出,跟略感不滿的用家四目交投,又見面呢...... 兩人沒有對話,中年女士手持一小包sata線步出來煞風景。)


「呢條你拎去用啦,如果再有事就拎番舊嘢番嚟搵我哋啦。」

「好,多謝晒。」

(......沒機會跟美女交談啊)



學年內經常接觸Type I/II error,個人早在中學時代經已接觸過,在最近的一年間有新的體會 - 兩個學系的著眼點不同,簡單講現在的離不開2x2的圖表。

無論是哪個門派,這兩樣東西肯定不會相遇的,但:

Type I error:  你認為硬盤有問題,但原來硬盤是健康的;
Type II error: 你認為排線沒問題,但原來就是它惹的禍。

天喔,又上了寶貴一課。

4 則留言:

  1. 其實還有其他影響/問題, 可以攪到read唔到隻harddisk的.

    回覆刪除
    回覆
    1. 全中,一再查證後原來又係道生塊板出事
      過程中仲錯手整歪左CPU D針,救唔番><

      刪除
  2. 科技嘅野,好時幫到手,壞時煩死人!乜野無厘頭野都可以發生!

    回覆刪除
    回覆
    1. 係囉,今年內已經幾劑
      最錯都係為左就粒U走去幫襯道生

      刪除